تحريڪ انصاف اڳواڻ فواد چوڌري چيو آهي ته قومي اليڪشن تي ڳالهائڻو آهي ته ڳالهايو وڃي، صوبائي چونڊون ضرور ٿينديون.
لاهور ۾ ميڊيا سان ڳالهائيندي فواد چوڌري چيو ته سندس خيال آهي ته هاڻي شهباز شريف کي عقل اچي وڃڻ گهرجي، هاڻي شهباز شريف کي قرباني ٿيڻ وڃي رهي آهي.
هن چيو ته حڪومت کي هاڻي ڪنهن سان مشورو ڪرڻ گهرجي، عام چونڊون هر صورت ۾ ٿينديون.
سندس چوڻ هو ته جيڪڏهن عام چونڊون نه ٿيون ته قوم کي اسلام آباد اچڻو پوندو، قومي اليڪشن تي ڳالهائڻو آهي ته ڳالهايو پر صوبائي چونڊون هر صورت ۾ ٿينديون.
فواد چوڌري چيو ته 22 ڪروڙ جي آبادي کي مذاق بڻايو ويو آهي، ملڪ جي پرڏيهي پاليسي ناڪام ترين ٿي چڪي آهي.
هن چيو ته ملڪي سلامتي خطري ۾ آهي تنهن ڪري سڀني جو گڏ ويهڻ ضروري آهي، آئين خلاف هڪ ميز تي ويهڻ ممڪن ناهي.
سندس چوڻ هو ته جيڪڏهن سپريم ڪورٽ جي حڪم تي عمل نه ٿيو ته 22 ڪروڙ عوام جي حقن جي لتاڙ ٿي ويندي.
فواد چوڌري چيو ته ڦورو توشا خانا جو رڪارڊ به گم ڪري چڪا آهن، هائيڪورٽ کي گذارش آهي ته ڊگهيون ڊگهيون تاريخون نه ڏنيون وڃن پر توشا خانا جو رڪارڊ طلب ڪيو وڃي.
