پاڪستان سپرليگ جي فائنل ۾ لاهور قلندرز، ملتان سلطانز کي دلچسپ مقابلي بعد هڪ اسڪور تان شڪست ڏئي ٻيو ڀيرو پي ايس ايل جو ٽائٽل پنهنجي نالي ڪري رتو.
لاهور ۾ کيڏيل ميچ ۾ لاهور جي ٽيم اڳ ۾ بيٽنگ ڪندي مقرر اوورن ۾ ڇهن وڪيٽن جي نقصان تي 200 رنسون ٺاهيون.
لاهور طرفان عبدالله شفيق 65، مرزا بيگ 30، فخر زمان 39 رنسون ٺاهيون، جڏهن ته شاهين شاهه آفريديءَ پندرهن بالن ۾ پنجن ڇڪن ۽ ٻن چوڪن جي مدد سان 44 رنسن جي جارحاڻي اننگز کيڏي.
لاهور طرفان اسامه مير 3، انورعلي، احسان الله ۽ خوشدل شاهه هڪ هڪ وڪيٽ ورتي.
لاهور طرفان مليل 201 رنسن جي حدف جي جواب ۾ ملتان سلطانز جي ٽيم مقرر اوورن ۾ 199 رنسون ٺاهي سگهي، ائين لاهور قلندرز جي ٽيم نه رڳو هڪ اسڪور تان شڪست ڏئي ٻيو ڀيرو پي ايس ايل جو ٽائٽل کٽي ورتو پر ڪاميابيءَ سان ٽائٽل جو دفاع به ڪيو.
ملتان سلطانز طرفان روسو 52، خوشدل شاهه25، ٽم ڊيوڊ 20 ۽ محمد رضوان 34 رنسون ٺاهي نمايان رهيا.
لاهور طرفان ڪپتان شاهين شاهه آفريديءَ 4، راشد خان 2 وڪيٽون ورتيون.
