مسلم ليگ نون جي اڳواڻ طلال چوڌري چيو آهي ته لاڏلو عمران خان پاڻ کي قانون کان مٿانهون سمجهندو آهي، عمران خان ملڪ ۾ اهو ڪري ڏيکاريو جيڪو ڪو دشمن نه ڪري سگهيو، عمران خان کي سازش تحت ملڪ تي مڙهيو ويو، عمران خان کي آئيني طريقي سان هٽايو ويو جيڪو هو برداشت نه ڪري سگهيو، عمران خان پاڪستان جي استحڪام ۽ ادارن تي حملا ڪيا، پرامن احتجاج سڀني جو حق آهي، شهيدن جي يادگارن کي ٽوڙڻ ڪهڙو احتجاج آهي؟، رٿابندي تحت وڳوڙ ڪندڙن خلاف قانوني ڪارروائي ڪئي ويندي.
لاهور ۾ پريس ڪانفرنس ڪندي طلال چوڌري چيو ته القادر ٽرسٽ ڪرپشن جا پيسا لڪائڻ لاءِ ٺاهي وئي هئي، مديني جي رياست جي نالي تي سياسي مخالفن کي انتقام جو نشانو بڻايو ويو.
سندس چوڻ هو ته القادر ٽرسٽ جي نالي تي اوهان پنهنجي چوري لڪائڻ چاهي جڏهن اوهان کان جواب گهريو ويو ته اوهان سڄي ملڪ کي باهه ڏئي ڇڏي.
مسلم ليگ نون جي اڳواڻ طلال چوڌري چيو ته قانون اوهان ۾ هٿ وڌو ته اوهان جا ساٿي عدالتن جي پٺيان لڪي رهيا آهن، ڀڃڊاهه ۽ وڳوڙن جا ثبوت دنيا ڏسي ورتا آهن، هي سياسي پارٽي ناهي جيڪڏهن هن تي پابندي نه لڳي ته ٻيهر هي گهڻو ڪجهه ڪندا.
هن چيو ته قانون لاڳو ڪندڙ ادارن کي قانون موجب ڊيل ڪرڻو پوندو، اهڙي پارٽي جي ملڪ ۾ ڪابه جاءِ ناهي، لاڏلو عمران خان پاڻ کي قانون کان مٿانهون سمجهندو آهي.
سندس چوڻ هو ته عمران خان ملڪ ۾ اهو ڪري ڏيکاريو جيڪو ڪو دشمن نه ڪري سگهيو، عمران خان کي سازش تحت ملڪ تي مڙهيو ويو.
مسلم ليگ نون جي اڳواڻ طلال چوڌري چيو ته عمران خان کي آئيني طريقي سان هٽايو ويو جيڪو هو برداشت نه ڪري سگهيو، عمران خان پاڪستان جي استحڪام ۽ ادارن تي حملا ڪيا، پرامن احتجاج سڀني جو حق آهي، شهيدن جي يادگارن کي ٽوڙڻ ڪهڙو احتجاج آهي؟، رٿابندي تحت وڳوڙ ڪندڙن خلاف قانوني ڪارروائي ڪئي ويندي……..
