لاڙڪاڻي ۾ هٿياربندن هٿان مارجي ويل ٽن ڀائرن ۽ سندن سئوٽ جون لالو رائنڪ ڀرسان آخري رسمون ادا ڪيون پيون وڃن جڏھن تھ سنڌ ٽي وي نيوز واقعي جا سي سي ٽي وي فٽيجز هٿ ڪري ورتا جنھن ۾ جوابدارن کي ٻن اڇي رنگ جي ڪارن ۽ ھڪ موٽرسائيڪل تي فرار ٿيندي ڏسي سگھجي ٿو.
گذريل ڏينهن هٿياربندن هٿان مارجي ويل ٽن ڀائرن ۽ سندن سئوٽ جا مڙهه لالو رائنڪ ڀرسان اباڻي علائقي ميان رتو سولنگي ۾ آندا ويا.
مقتولن جون آخري رسمون اڄ ادا ڪيون وينديون.
جنازي نماز ادا ڪرڻ بعد مڙهه مٽي ماءُ حوالي ڪيا ويندا.
واقعي جو ڪيس داخل نه ٿي سگهيو ۽ نه وري پوليس جوابدارن کي گرفتار ڪري سگهي آهي.
سنڌ ٽي وي نيوز واقعي جا سي سي ٽي وي فٽيجز هٿ ڪري ورتا.
فٽيجز ۾ جوابدارن کي ٻن اڇي رنگ جي ڪارن ۽ ھڪ موٽرسائيڪل تي فرار ٿيندي ڏسي سگھجي ٿو.
فٽيجز ۾ فائرنگ بعد شھري ڀڄندي نظر اچي رھيا آھن جڏھن تھ واقعو سينٽرل جيل جي ڪجھھ فاصلي تي پيش آيو ھو.
واضح رهي ته گذريل ڏينهن لاڙڪاڻي جي وليد ٿاڻي جي حد ستون نمبر ناڪي وٽ سولنگي ۽ مغيري برادري ۾ هلندڙ زميني تڪرار تان هٿياربندن ڪار تي فائرنگ ڪئي.
گوليون لڳڻ سبب ڳوٺ ميان رتو سولنگي واسي 5 ڄڻا امجد علي سندس ڀاءُ ماجد، شوڪت علي، سندن سئوٽ امير علي سولنگي ۽ ڪار ڊرائيور ڏوڪري واسي نجم الدين چانڊيو مارجي ويا ھئا………..
