ماتلي ويجھو کڏ مان نوجوان جو تشدد ٿيل لاش ھٿ

ماتلي ويجھو کڏ مان نوجوان جو تشدد ٿيل لاش ھٿ آيو آھي.

زرداري روڊ ڀرسان کڏ مان نوجوان جو تشدد ٿيل لاش مليو.

کڏ ۾ لاش ڏسي ڳوٺاڻن پوليس کي اطلاع ڏنو.

اطلاع ملڻ بعد پوليس واقعي واري  هنڌ پھچي لاش تحويل وٺي تعلقي اسپتال پھچايو ويو جتي سندس سڃاڻپ پير واھه ڳوٺ واسي نرسنگ ڪولھي طور ٿي.

پوليس موجب، واقعي بابت جاچ ڪئي پئي وڃي.

نوجوان جي والد ڪرشن ڪولھي جو چوڻ آھي ته سندس پٽ چنگچي رڪشا ھلائيندو هو  جيڪو گذريل ڏينهن کان گم ھو جنهن جي رڪشي بابت به خبر نه پئجي سگھي آھي.