مارچ مهيني ۾ مهانگائيءَ جو جن بي قابو رهيو، شماريات کاتي طرفان پهرين کان 31 مارچ تائين مهانگائيءَ جي جاري ڪيل انگن اکرن موجب مارچ مهيني ۾ مهانگائيءَ جي مجموعي شرح 35 ڏهائي 37 سيڪڙو تائين پهچي وئي.
شماريات کاتي طرفان پهرين کان 31 مارچ تائين مهانگائيءَ جي جاري ڪيل انگن اکرن موجب، مارچ مهيني ۾ مهانگائيءَ جي شرح ۾ 3 ڏهائي 72 سيڪڙو اضافو ٿيو.
شماريات کاتي جي انگن اکرن ۾ چيو ويو آهي ته مارچ مهيني ۾ مهانگائيءَ جي مجموعي شرح 35 ڏهائي 37 سيڪڙو تائين پهچي وئي.
شماريات کاتي طرفان مهانگائيءَ جي جاري ڪيل انگن اکرن موجب، هلندڙ مالي سال جي 9 مهينن ۾ مهانگائيءَ جي شرح 27 ڏهائي 26 سيڪڙو رڪارڊ ڪئي وئي جڏهن ته گذريل مالي سال مارچ ۾ مهانگائيءَ جي شرح 12 ڏهائي 7 سيڪڙو هئي.
شماريات کاتي جي انگن اکرن ۾ چيو ويو آهي ته مارچ ۾ شهرن ۾ مهانگائيءَ جي شرح ۾ 3 ڏهائي 9 سيڪڙو جو اضافو ٿيو جنهن بعد شهرن ۾ مهانگائي جي شرح 33 سيڪڙو تائين پهچي وئي.
شماريات کاتي طرفان مهانگائيءَ جي جاري ڪيل انگن اکرن موجب، مارچ ۾ ٻهراڙيءَ وارن علائقن ۾ مهانگائيءَ جي شرح ۾ 3 ڏهائي 5 سيڪڙو اضافو ٿيو جنهن بعد ٻهراڙيءَ وارن علائقن ۾ مهانگائيءَ جي شرح 38 ڏهائي 9 سيڪڙو تائين پهچي وئي.
شماريات کاتي جي انگن اکرن ۾ چيو ويو آهي ته فروٽ، سبزين، اٽي، ڪڻڪ، گيهه، ڪپڙن، گهريلو سامان، گاڏين، پيٽروليم شين، بجلي ۽ ٻين شين جي اگهن ۾ مهانگائي ٿي.
