فيس بڪ جي باني مارڪ زُڪر برگ جي دولت ۾ هڪ ئي ڏينهن دوران 10 ڏهائي 2 ارب ڊالرن جو اضافو ٿيو آهي.
مارڪ زڪر برگ جي ميٽا ورس قائم ڪرڻ جي ڪوشش حقيقي دنيا ۾ سندس لاءِ ڳري ثابت ٿي ۽ هو 2022ع دوران 71 ارب ڊالرن کان محروم ٿي ويو هو.
2023ع جي شروعات ۾ مارڪ زڪر برگ جي دولت 46 ارب ڊالر جي ويجهو هئي، هاڻي هي سال سندس لاءِ هيل تائين سٺو ثابت ٿيو آهي، هلندڙ سال جي چئن مهينن دورنا سندس دولت ۾ 41 ڏهائي 7 ارب ڊالر اضافو ٿيو آهي، هاڻي هو 87 ڏهائي 3 ارب ڊالرن جو مالڪ آهي.
27 اپريل تي سندس اثاثن ۾ 14 سيڪڙو يا 10 ڏهائي 2 ارب ڊالر اضافو ٿيو،اها رقم 28 کرب رپيا پاڪستان رپين کان وڌيڪ ٿئي ٿي، حالانڪه سندس ڪمپني جي ٽه ماهي آمدني ۾ گذريل سال جي ان عرصي جي ڀيٽ ۾ 24 سيڪڙو گهٽ ٿي آهي.
ميٽا جو باني دنيا جو ٻارهون امير ترين شخص آهي ۽ هن ڀارت جي مڪيش امباني کي پوئتي ڇڏي ڏنو آهي.
جنوري کان مارچ 2023ع جي ٽه ماهي دوران ميٽا 5 ڏهائي 7 ارب ڊالرن جو منافعو ڪمايو، جيڪو 2022ع جي آخري ٽه ماهي جي ڀيٽي ۾ 22 ڏهائي 7 سيڪڙو وڌيڪ هو.
ميٽا خرچن ۾ گهٽتائي لاءِ هزارين ماڻهن کي ڪڍي ڇڏيو هو، مارڪ زڪر برگ ميٽا جي 12 ڏهائي 8 سيڪڙو شيئرز جو مالڪ آهي.
