پاڪستان جي ناليواري اداڪارا عائشه عمر ڪيترائي سال پراڻي پنھنجي رشتي جي حوالي سان انڪشاف ڪندي چيو آھي ته ان رشتي ۾ کيس ذھني ۽ جسماني تشدد جو منھن ڏسڻو پيو ۽ ھوءَ ڪنھن طرح اتان نڪرڻ ۾ ڪامياب ٿي وئي.
عائشه عمر اداڪارا، ماڊل ۽ ڊائريڪٽر فريحه الطاف جي پوڊ ڪاسٽ انٽرويو ۾ پنھنجي زندگي جي خراب ترين دور بابت ڳالهه ٻولهه ڪئي.
انٽرويو دوران اداڪارا عائشھ عمر چيو تھ 8سال اڳ جي ڳالھھ آھي، سندس رشتي جي تقريبن ڳالھھ پڪي ٿي چڪي ھئي، کيس ان رشتي کي ختم ڪرڻ يا ان مان نڪرڻ ۾ گھڻو وقت لڳو ڇو تھ ھو سمجھندي ھئي تھ شايد اھو شخص سندس محبت سان بدلي ويندو ۽ ھوءَ سڀ ڪجھھ صحيح ڪري ڇڏيندي.
عائشھ عمر چيو تھ اھو شخص سڀ ڪجھھ ڪرڻ بعد معافي گھرندو ھو جنھن بعد ھو کيس معاف ڪري ڇڏيندي ھئي ۽ واپس ان طرف ھلي ويندي ھئي پر ھڪ ڏينھن ان کيس جسماني تشدد جو نشانو بڻايو ۽ ھن فيصلو ڪيو تھ ھاڻي ھو وڌيڪ نھ سھندي ۽ پوءِ رشتو ختم ڪري ڇڏيو.
ھن چيو تھ جنھن سان سندس ڳالھھ پڪي ٿي ھئي، اھو شخص ڏينھن رات گاريون ڏيندو ھو ۽ چوندو ھو تھ پيار ۾ گاريون ڏيندو آھي.
عائشھ عمر چيو تھ کيس ان صدمي مان نڪرڻ ۾ گھڻو وقت لڳو ڇو تھ زندگي جا قيمتي سال ان شخص سبب برباد ٿي ويا.
