مالي ۾ فوجي ڪيمپ ۽ ايئرپورٽ تي آپگهاتي حملي سبب مارجي ويلن جو انگ 13 ٿي ويو.
مالي ۾ فوجي ڪيمپ ۽ ايئرپورٽ تي آپگهاتي حملو ڪيو ويو.
آپگهاتي حملي جي نتيجي ۾ 13 ڄڻا مارجي ويا، جن ۾ ٽي فوجي اهلڪار به شامل آهن، جڏهن ته مختلف ڪاررواين ۾ 88 ويڙهاڪ به مارجي ويا آهن.
پرڏيهي خابرو اداري موجب مالي ۾ فوجي ڪيمپ ۽ ايئرپورٽ ڀرسان هڪ آپگهاتي بمبار پاڻ کي ڌماڪي سان اڏائي ڇڏيو، جنهن بعد ٻيا دهشتگرد اهم سڪيورٽي علائقي ۾ داخل ٿي ويا.
خابرو اداري جي رپورٽ موجب فوجي بيس ۾ مقرر اهلڪارن دهشتگردن جو مقابلو ڪيو، جنهن سبب ٽن فوجين سميت 13 ڄڻا مارجي ويا ۽ 60 کان وڌيڪ زخمي پڻ ٿيا ۽ 20 عمارتون به تباهه ٿي ويون.
رپورٽ موجب فوجي ڪيمپ ۽ ايئرپورٽ تي ڪنهن به حملي جي ذميواري قبول ناهي ڪئي، جڏهن ته فوجي ڪاررواين ۾ 88 ويڙهاڪ مارجي ويا آهن.
مالي فوج دعويٰ ڪئي آهي ته ڊرون حملي ۾ بارود سان ڀريل ٽي گاڏيون تباهه ڪيون ويون آهن، مارجي ويل دهشتگردن ۾ فوجي بيس ۽ ايئرپورٽ تي حملو ڪندڙ دهشتگرد به شامل آهن.
