مانجهند ۾ ايس يو پي جي سڏ تي جهمپير ۾ افغاني پٺاڻن جي قبضن خلاف احتجاجي ريلي ڪڍي ڌرڻو هنيو ويو.
ايس يو پي اڳواڻ علي نواز ڪنڀر، عمر ابڙي، عنايت الله شاهاڻي ۽ ٻين جي اڳواڻي ۾ ڪارڪنن ريلي ڪڍي لاکا چوڪ تي ڌرڻو هڻي نعريبازي ڪئي.
ان موقعي تي اڳواڻن چيو ته جهمپير ۾ زمين جي مالڪن کي زبردستي بي دخل ڪري افغاني پٺاڻَ قبضو ڪندي ڪوئلي کي کوٽرائي جي ڪوشش ڪري رهيا آهن.
هنن چيو ته افغاني پٺاڻن جي قبضي خلاف احتجاج ڪرڻ تي جهرڪ پوليس ايس يو پي جي ستن ڪارڪنن کي کنڀي مٿن ڪيس داخل ڪري ڇڏيا آهن.
ايس يو پي اڳواڻن مطالبو ڪيو ته افغاني پٺاڻن جو قبضو ختم ڪرائي گرفتار ڪيل ڪارڪنن کي آزاد ڪيو وڃي ٻي صورت ۾ سڀاڻي ڪمپني گيٽ آڏو ڌرڻو هنيو ويندو
