محبوبا کي پرچائڻ لاءِ نوجوان 21 ڪلاڪن تائين تيز برسات ۾ گوڏن تي ويٺو رهيو.
پرڏيهي ميڊيا موجب چين ۾ هڪ نوجوان محبت جي خاطر پنهنجي اڳوڻي گرل فرينڊ کي پرچائڻ لاءِ ڪوشش ڪئي ۽ اها به پرواهه نه ڪئي ته هو تيز برسات ۾ ڀڄي رهيو آهي، هو محبوبا جي آفيس ٻاهران ڪيترن ئي ڪلاڪن تائين ويٺو رهيو ۽ معافي جي اپيل ڪندو رهيو.
نوجوان جي هٿن ۾ هڪ گلدستو به هو، آفيس ٻاهران ماڻهن ان شخص کي وڃڻ لاءِ به چيو پر هن انڪار ڪري ڇڏيو.
پوليس به گهرايو ويو پر نوجوان نه ٿيو ۽ 21ڪلاڪن تائين تيز برسات ۾ گوڏن تي ويٺو رهيو.
پوليس موجب، نوجوان جو گذريل مهيني بريڪ اپ ٿيو هو ۽ هاڻي گرل فرينڊ ٻيهر ساڻس تعلق رکڻ لاءِ تيار نه آهي.
رپورٽس موجب، گرل فرينڊ جي مسلسل انڪار ۽ برسات ۾ ڀڄڻ بعد ٿڌ لڳڻ سبب نوجوان جي محنت ضايع ٿي وئي ۽ آخر ڪار 21ڪلاڪن بعد اٿڻو پيو.
