مديجي ۽ ڀرپاسي ۾ بدامني تي ضابطو نه اچي سگهيو، هٿياربندن ٽماٽرن سان ڀريل گاڏيءَ تي فائرنگ ڪئي جنهن ۾ ڊرائيور معجزاڻي طور محفوظ رهيو.
سکر- لاڙڪاڻو مين روڊ اڇي مسجد اسٽاپ ڀرسان
اڻڄاتل هٿياربندن ٽماٽرن سان ڀريل گاڏي کي روڪڻ جي ڪوشش ڪئي، گاڏي نه بيھارڻ تي هٿياربندن فائرنگ ڪري ڏني جنهن ۾ ڊرائيور معجزاڻي طور بچي ويو.
ميهڙ واسي ڊرائيور عبدالقدير جتوئي ٻڌايو ته هو سکر کان ٽماٽر کڻي ميهڙ وڃي رهيو هو ته اڇي مسجد ڀرسان هٿياربندن گاڏي بيهارڻ جو اشارو ڪيو نه بيھارڻ تي فائرنگ ڪري ڏني، هو گاڏي ڀڄائي نڪتو آهي.
هن ٻڌايو ته واقعي بابت پوليس کي اطلاع ڏنو پر پوليس اتي ئي بيٺي رهي ۽ هٿياربندن جي پويان نه وئي.
سندس چوڻ هو ته مديجي ۽ ڀرپاسي جا روڊ غير محفوظ بڻيل آهن، ڏوهارين خلاف ڪارروائي ڪري علائقي ۾ امن بحال ڪرايو وڃي.
