آمريڪي پرڏيھي وزير انٽوني بلنڪن چيو آھي تھ مذھبي عقيدت ۽ نظرين جي ڪري سڄي دنيا ۾ مسلمانن جي اڪثريت کي تعصب واري رويي ۽ نفرت جو منھن ڏسڻو پئجي رھيو آھي.
اسلام فوبيا جي عالمي ڏھاڙي جي مناسبت سان امريڪي پرڏيھي وزير انٽوني بلنڪن چيو تھ مذھبي آزادي بنيادي انساني حق آھي ۽ اھو ھر شخص کي حاصل آھي.
جاري ڪيل بيان ۾ امريڪي پرڏيھي وزير جو چوڻ ھو تھ مسلمانن کي مذھب جي بنياد تي تعصب واري رويي ۽ نفرت جو منھن ڏسڻو پئجي رھي آھي،ڪيترن ئي ملڪن ۾ کين مذھب تي عمل ڪرڻ ۾ مشڪلاتن جو منھن ڏسڻو پئجي رھيو آھي ۽ مسلمانن ھجڻ سبب ھراسان، گرفتار ۽ قتل ڪيو وڃي.
انٽوني بلنڪن جو وڌيڪ چوڻ ھو تھ ھر ماڻھو کي انفرادي ۽ اجتماعي طور، عوامي يا نجي طور عبادت، عمل ۽ تعليم ۾ انھن عقيدن کي ظاھر ڪرڻ جي آزادي بھ حاصل آھي.
