مصر ۾ ھزارين سان اڳ ڪٽيل انساني 12ھٿ مليا آھن.
آثار قديمھ جي ھڪ ماڳ تان انساني ھٿ مليا آھن جيڪي ٻانھن کان وٺي آڱرين تائين محفوظ آھن، خيال آھي تھ انھن بدنصيبن جا ھٿ 3673سال اڳ ڪاٽيا ويا ھئا.
مليل ٻارنھن ھٿن مان 11 مردن ۽ ھڪ عورت جا ھٿ آھن، اھڙي طرح مصر ۾ فوج جي ھٿان ھٿ ڪٽڻ جي سزا جا ثبوت سامھون آيا.
ھفتيوار مئگزين نيچر ۾ شايع ٿيندڙ ھڪ رپورٽ موجب طيل الدابھ جي علائقي مان اھي آثار مليا آھن، جرمن ماھر 2011 کان اتي تحقيق ڪري رھيا آھن جيڪي ڊيلٽا جي ڪناري قديم مصري شھر آوارس جي ويجھو واقع آھي.
ملندڙ سمورا ھٿ شاھي تخت واري ڪمري مان مليا آھن ۽ شايد انھن کي شاھي سرگرمين ۾ استعمال ڪيو ويندو ھو، ھٿن جي ايڪسري مان انڪشاف ٿيو آھي تھ انساني ٻانھن کان گھڻي صفائي سان ھٿن کي ڪاٽي الڳ ڪيو ويو ھو ۽ انھن کي بادشاھن جي سامھون انعام طور پيش ڪيو ويندو ھو.
ماھرن لک ڪوششون ڪيون تھ ھٿن کانسواءِ ٻيا اھم عضوا ملن پر کين ڪابھ ڪامياب نھ ملي سگھي.
