نوبل انعام يافته پاڪستاني ناري ملالا يوسفزئي 95هين آسڪرز ايوارڊ تقريب ۾ پهريون ڀيرو شرڪت ڪئي ۽ سڀني جي ڌيان جو مرڪز بڻيل رهي.
آسڪرز ايوارڊ تقريب ۾ هوءَ پنهنجي مڙس سان گڏ شريڪ ٿي.
تقريب ۾ هڪ سوال جي جواب ۾ هن چيو ته هوءَ رڳو امن جي ڳالهه ڪندي آهي، سندس ان جواب جا چرچا آهن، جڏهن ته سندس لباس جو ذڪر به هر ڪنهن جي وات تي آهي.
هن چمڪيلو ۽ فرش تائين ڊگهو رالف لارين سلور سيڪوئنڊ گائون تي اسڪارف پهريو هو.
لارين آمريڪي فيشن ڊزائنر ۽ ارب پتي واپاري آهي، جيڪو ملٽي بلين ڊالر اداري رالف لارين ڪارپوريشن سبب مشهور آهي.
