پاڪستان سپر ليگ جي ميچ ۾ ملتان سلطانز، پشاور زلمي کي چئن وڪيٽن تان شڪست ڏئي پلي آف مرحلي لاءِ ڪواليفاءَ ڪري ورتو.
راولپنڊي ۾ کيڏيل ميچ ۾ پشاور زلمي جي ٽيم اڳ ۾ بيٽنگ ڪندي بابر اعظم ۽ صائم ايوب جي تيز رفتار ففٽين عيوض مقرر اوورن ۾ 242 رنسون ٺاهيون.
پشاور طرفان بابر اعظم 73، صائم ايوب 58، ڪيڊ مور 38، محمد حارث 35 ۽ عظمت الله 16 رنسون ٺاهيون.
ملتان طرفان عباس آفريديءَ 4، انور علي ۽ اساما مير هڪ هڪ وڪيٽ حاصل ڪئي.
پشاور طرفان مليل 243 رنسن جو حدف ملتان سلطانز جي ٽيم رائلي روسو جي شاندار سنچريءَ عيوض آخري اوور ۾ ڇهن وڪيٽن جي نقصان تي حاصل ڪري ورتو.
ملتان طرفان روسو 51 بالن تي 121 رنسن جي شاندار اننگز کيڏي، ٻين رانديگرن ۾ پولارڊ 52، انور علي 24 ۽ خوشدل شاهه 18 رنسون ٺاهيون.
شاندار سنچريءَ تي رائلي روسو کي ميچ جو بهترين رانديگر قرار ڏنو ويو..
ملتان جي ٽيم گهربل 243 رنسن جو حدف روسو جي شاندار سنچريءَ عيوض آخري اوور ۾ ڇهن وڪيٽن جي نقصان تي حاصل ڪيو.
