ملير جي علائقي گلشن حديد ويجهو ڪار جي ڊگي مان ٻن نوجوانن جا لاش هٿ آيا آهن، پوليس جو چوڻ آهي هٿ آيل لاشن جي زاهد آرائين ۽ عبدالغني طور سڃاڻپ ٿي آهي، ٽن جوابدارن کي گرفتار ڪري ڪار کي تحويل ۾ وٺي ڇڏيو آهي، جوابدارن انڪشاف ڪيو آهي ته پارڪو جي لائن مان تيل چوري لاءِ سرنگهه جي کوٽائي دوران ڀڪ ڪرڻ سبب 2 ڄڻا دٻجي فوت ٿي ويا، ٻنهي ڄڻن جي لاشن کي لڪائڻ وڃي رهيا هئا ته پوليس گرفتار ڪري ورتو.
بن قاسم جي علائقي گلشن حديد ويجهو ڪار جي ڊگي مان ٻن نوجوانن جا لاش هٿ آيا.
هٿ آيل لاشن مان هڪ جي سڃاڻپ زاهد آرائين ۽ عبدالغني طور ٿي آهي.
پوليس ٽن جوابدارن کي گرفتار ڪري ورتو آهي.
پوليس جو چوڻ آهي ته چيڪنگ دوران شڪي ڪار کي بيهڻ جو اشارو ڪيو، گاڏي نه بيهڻ تي پيڇو ڪندي گلشن حديد موڙ وٽ ڪار کي روڪي جهڙتي ورتي ته ڊگي مان ٻن نوجوانن جا لاش هٿ آيا.
پوليس موجب هٿ آيل لاشن جي سڃاڻپ زاهد آرائين ۽ عبدالغني جي نالي سان ٿي آهي، ٻئي مڙهه جناح اسپتال منتقل ڪري ڇڏيا آهن.
پوليس جو چوڻ آهي ته جاچ دوران گرفتار ڪيل جوابدارن انڪشاف ڪيو آهي ته پارڪو جي لائن مان تيل چوري لاءِ سرنگهه جي کوٽائي دوران ڀڪ ڪرڻ سبب 2 ڄڻا دٻجي فوت ٿي ويا، ٻنهي ڄڻن جي لاشن کي لڪائڻ وڃي رهيا هئا ته پوليس گرفتار ڪري ورتو.
پوليس جو چوڻ آهي ته ٽن جوابدارن کي گرفتار ڪري ڪار کي تحويل ۾ وٺي جاچ ڪئي پئي وڃي.
