ملير ۾ هڪ گهر اندر عورت کي ڇريون هڻي بيدردي سان قتل ڪيو ويو آهي، پوليس جو چوڻ آهي ته عورت جي مڙس کيس قتل ڪري ڌاڙي جو رنگ ڏيڻ جي ڪوشش ڪئي آهي.
شير پائو ڪالوني ۾ گهر اندر عورت جو ڇريون لڳل لاش ڏسي علائقي واسين پوليس کي اطلاع ڏنو.
پوليس واقعي واري هنڌ پهچي عورت جو لاش کڻائي اسپتال منتقل ڪيو، جتي عورت جي سڃاڻپ نسرين نالي سان ٿي آهي.
پوليس جو چوڻ آهي ته عورت جي مڙس کيس قتل ڪري ڌاڙي جو رنگ ڏيڻ جي ڪوشش ڪئي آهي.
پوليس موجب گهر اندر ڌاڙي جا ڪي به ثبوت ناهن مليا، عورت جي ڳلي ۾ سوني جي چين ۽ آنڱر ۾ سوني جي منڊي پاتل هئي، جيڪڏهن عورت ڦر مزاحمت تي قتل ٿي ها ته جوابدار سندس سونا زيور کڻي وڃن ها.
