ملير جي عدالت اڳوڻي وفاقي وزير علي زيدي جي بريت واري درخواست رد ڪري ٽن ڏينهن جي جسماني رمانڊ تي پوليس حوالي ڪري ڇڏيو آهي.
جوڊيشل مئجسٽريٽ جي عدالت ۾ اڳوڻي وفاقي وزير ۽ پي ٽي آءِ اڳواڻ علي زيدي خلاف فراڊ ڪيس جي ٻڌڻي ٿي.
اڳوڻي وفاقي وزير علي زيدي کي پوليس جي پهري هيٺ بڪتر بند گاڏيءَ ۾ گڏاپ ٿاڻي کان عدالت پهچايو ويو.
پي ٽي آءِ ڪارڪنن پاران عدالت پهچڻ تي علي زيدي تي گلن جي ورکا ڪري نعريبازي ڪئي وئي.
عدالت علي زيدي جي بريت واري درخواست رد ڪري ڇڏي.
عدالت فراڊ ڪيس ۾ جاچ آفيسر جي درخواست منظور ڪندي علي زيدي کي ٽن ڏينهن جي رمانڊ تي پوليس حوالي ڪري ڇڏيو..
