عوامي مسلم ليگ جي سربراهه شيخ رشيد احمد چيو آهي ته چونڊون ئي ملڪ کي ڏڦيڙ ۽ رتوڇاڻ کان بچائي سگهن ٿيون، عدالتي سڌارن وارو بل آئين جي خلاف آهي، ملڪ بند گهٽيءَ ۾ داخل ٿي چڪو آهي، ايندڙ هفتو اهم ترين هوندو، حڪومت عدليه تي هر طرف کان دٻاءُ وجهي رهي آهي، عدليه اهو ئي ڪندي جيڪو آئين ۽ قانون موجب هوندو، سڄي قوم عدليا سان گڏ بيٺل آهي، حڪومت ملڪ کي داءَ تي لڳائي ڇڏيو آهي.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شيخ رشيد احمد چيو ته راڻا ثناءُ الله جا بيان اعلان جنگ ۽ عوام دشمني برابر آهن، ناڻي واري وزير جو بيان نااهلي جو اعتراف آهن.
سندس چوڻ هو ته جيڪو سپريم ڪورٽ خلاف جنگ جو اعلان ڪندو ته سڄي قوم روڊن تي نڪرندي، حڪومتي بيانن مان ظاهر آهي ته هو آئين ۽ قانون جو فيصلو مڃڻ لاءِ تيار نه آهن ته پوءِ عوام جي چونڊ وڙهڻ لاءِ تيار آهن.
عوامي مسلم ليگ جي سربراهه شيخ رشيد احمد چيو ته لنڊن ۾ ويٺل هڪ روپوش ۽ عدالتي ڀاڳوڙو لنڊن مان عدليا تي حملا ڪري رهيو آهي ۽ سسلين مافيا جو عملي مظاهرو ڪري رهيو آهي.
هن چيو ته بکايل ماڻهو راشن لاءِ جان ڏئي رهيا آهن، اميد آهي ته هن هفتي ۾ عدليا جو آئيني ۽ قانوني تاريخي فيصلو اچي ويندو.
عوامي مسلم ليگ جي سربراهه شيخ رشيد احمد چيو ته پنجاب ۾ ڏهن ڏينهن لاءِ رينجرز جي مقرري حڪومت جي نيت جي نشاندهي ڪري ٿي.
