سڌ سماءَ واري وفاقي وزير مريم اورنگزيب چيو آهي ته ملڪ کي باهه ڏيندڙن جي پٺڀرائي ڪئي پئي وڃي، ڪور ڪمانڊر ۽ جناح هائوس کي باهه ڏئي ساڙيو ويو آهي.
اسلام آباد ۾ پريس ڪانفرنس ڪندي مريم اورنگزيب چيو ته عمران خان کي ڪنهن به قسم جو رليف نه ملڻ گهرجي.
هن چيو ته دهشتگرد کي سزا ڏني وڃي ها ته هرطرف باهيون نه ڏنيون وڃن ها، نيب تحريڪ انصاف چيئرمين کي ڪرپشن ڪيس ۾ گرفتار ڪيو آهي.
سندس چوڻ هو ته گرفتاري وارنٽن تي عمل تي ڀڃ ڊاهه ۽ هنگاما ڪيا ويندا آهن، عدالتون هٿياربند ٽولن جي پناهه گاهه ٿينديون ته اهڙو ئي حالت ٿيندو.
