وزيراعظم شهبازشريف چيو آهي ته ملڪ ۾ دهشتگردي واپس ڇو آئي ۽ ڪنهن آندي، سمورن صوبن دهشتگردن جي خاتمي ۽ فاٽا سڌارن تحت رقم ڏني وئي اها ڪيڏانهن وئي؟ ڪي پي کي ڏنل اربين رپين جا وسيلا ڪٿي استعمال ٿيا؟ انهن سوالن جا جواب ڏيڻا پوندا.
قومي اسيمبلي جي اسپيڪر راجا پرويز اشرف جي صدارت هيٺ قومي اسيمبلي جي قومي سلامتي ڪميٽيءَ جو ان ڪيمرا اجلاس ٿيو، جنهن ۾ سياسي ۽ فوجي قيادت سميت پارليامينٽ ميمبرن ۽ ٻين شرڪت ڪئي.
وزيراعظم شهبازشريف فوج، رينجرز ۽ پوليس سميت قانون لاڳو ڪندڙ ادارن جي آفيسرن ۽ جوانن کي ڀيٽا پيش ڪئي.
سندس چوڻ هو ته پاڪستان دهشتگردي خلاف جدوجهد ۾ 80 هزار کان وڌيڪ قربانيون ڏنيون، قربانين عيوض امن بحال ٿيو، اها محنت چئن ورهين ۾ ضايع ڪئي وئي.
وزيراعظم چيو ته ملڪ ۾ دهشتگردي واپس ڇو آئي ۽ ڪنهن آندي، سمورن صوبن دهشتگردن جي خاتمي ۽ فاٽا سڌارن تحت رقم ڏني وئي اها ڪيڏانهن وئي؟
شهبازشريف چيو ته ڪي پي کي ڏنل اربين رپين جا وسيلا ڪٿي استعمال ٿيا؟ انهن سوالن جا جواب ڏيڻا پوندا.
