ملڪ ۾ سياسي بحران، گئس مافيا ايل پي جي مهانگي ڪري ڇڏي

ملڪ ۾ سياسي، معاشي ۽ آئيني بحران مان فائدو وٺندي گئس مافيا قيمتن ۾ واڌ ڪري ڇڏي.

ايل پي جي ايسوسيئيشن موجب، پئٽرول کانپوءِ ايل پي جي قيمت ۾ 10رپيا في ڪلو واڌ ڪئي وئي آھي جنھن بعد گھريلو سلينڊر 120 رپيا ۽ ڪمرشل 450رپيا مھانگو ٿي ويو آھي.

سرڪاري قيمت 229رپيا في ڪلو بدران ملڪ جي سمورن شھرن ۾ ايل پي جي جي قيمت 310 رپيا في ڪلو تائين پھچي وئي آھي.

پھاڙي ۽ ڏورانھين علائقن ۾ 330 رپيا جڏھن تھ گلگت بلتستان ۾ 360 رپيا في ڪلو ايل پي جي وڪرو ٿي رھي آھي.