سنڌ جي وڏي وزير مراد علي شاهه چيو آهي ته ملڪ ۾ عام چونڊون هڪ ئي ڏينهن تي ٿيڻ گهرجن، ڏسڻو پوندو ته پنجاب ۾ پهريون عام چونڊن پويان ڪا سازش ته ناهي، سڪيورٽي ادارا آدمشماري ۽ پوليو جي ڊيوٽيءَ ۾ مصروف آهن، مختلف ڌرين جا آدمشماري بابت خدشا برقرار آهن.
ڪراچيءَ ۾ ميڊيا سان ڳالهائيندي مراد علي شاهه چيو ته آدمشماري بابت خدشا موجود آهن، ملڪ ۾ هڪ ئي ڏينهن چونڊون ٿيڻ گهرجن.
سندس چوڻ هو ته ڏسڻو پوندو ته پنجاب ۾ پهريون عام چونڊن پويان ڪا سازش ته ناهي.
وڏي وزير مراد علي شاهه چيو ته سڪيورٽي ادارا آدمشماري ۽ پوليو جي ڊيوٽيءَ ۾ مصروف آهن، پهريان کان خبر هجي ته چونڊون ڪڏهن ٿيڻيون آهن ته معاملن جو حل ڪڍي سگهجي ٿو.
