سابق وزيراعظم عمران خان چيو آهي ته منهنجو آواز بند ڪرڻ جي ڪوشش ڪئي پئي وڃي، مون کي جيل کان ڪو خوف ناهي، موت کي ويجهو کان ڏٺو آهي.
ويڊيو ۾ خطاب ڪندي عمران خان جو چوڻ هو ته ظلم ۽ ناانصافي جي خلاف بيهڻ جهاد آهي، مديني جي رياست ۾ عدل ۽ انصاف آيو پوءِ خوشحالي آئي، نيلسن منڊيلا چيو ته غربت ختم ڪرڻي آهي ته پهرين انصاف ڪيو.
هن چيو ته عدليا ۽ وڪيلن جي برادري سان مخاطب آهيان ته الله توهان کي وڏي ذميواري ڏني آهي، جنهن طرف هي وٺي وڃي رهيا آهن مُلڪ جو ڪو به مستقبل ناهي، قانون ۽ انصاف جون دڄيون اڏايون پيون وڃن، معزز ججز ۽ وڪيلن کي اپيل ٿو ڪيان ته مان توهان سڀني لاءِ بيٺو آهيان، منهنجي سڄي جدوجهد توهان جي لاءِ آهي.
هن جو چوڻ هو ته منهنجي آواز به بند ڪرڻ جي ڪوشش ڪئي پئي وڃي، فواد چوڌري کي ڇو گرفتار ڪيو ويو؟ قوم کي چوان ٿو ته اوهان جو مستقبل اوهان جيي هٿن ۾ آهي، اوهان الله کان بعد ۾ هن مُلڪ جا وارث آهيو.
عمران خان جو چيو ته مان يقين ٿو ڏياريان ته مون کي جيل کان ڪو به خوف ناهي، موت کي تمام ويجهو کان ڏٺو آهيڍ، جڏهن الله جو فيصلو هوندو ته ٽائم نه اڳيان نه پويان هوندو، مون کي ڪا به فڪر ناهي.
هن جو چوڻ هو ته عدليا وٽ ڪيس کڻي وڃي رهيا آهيون، انصاف جي اُميد آهي، مشرف جو مارشل لا به ڏٺو پر هن طرح جون حالتون ڪڏهن به ناهن ڏٺيون، افسوس سان چوڻو ٿو پوي ته اسان جي عدليا اسان جي بنيادي حقن جي حفاظت ناهي ڪئي.
