اداڪارا نيلم منير چيو آهي ته سندس شادي جو سڀني کي ايترو فڪر ڇو آهي، هوءَ ته ايترو پريشان نه آهي.
پاڪستاني شوبز جي 31ورهين جي خوبصورت اداڪارا نيلم منير جي پراڻي وڊيو هڪ ڀيرو ٻيهر سوشل ميڊيا تي وائرل ٿي وئي آهي جنهن ۾ صحافي سندس شادي جي حوالي سان ڳالهه ڪري رهيا آهن.
اداڪارا کان صحافي سوال ڪيو ته هو شادي ڪڏهن ڪرڻ واري آهي جنهن تي نيلم منير جواب ڏنو ته اوهان کي سندس شادي جي ايتري پرواهه ڇو آهي، هن کي ته ڪو به ٽينشن نه آهي، اڃا کيس ڪم ڪرڻو آهي ۽ اهڙا سوال نه ڪيا وڃن.
هاڻي هڪ انٽرويو ۾ اداڪارا نيلم منير شادي جي سوال تي چيو ته هو اچتو ئي شادي ڪندي پر سادگي ۾ ڪندي.
واضح رهي ته سوشل ميڊيا تي نيلم منير جي ڊرامي “دل موم ڪا هي” کانپوءِ افواهه هلي رهيا آهن ته جلد شادي ڪري آهي جڏهن ته اداڪارا پاران هر ڀيري خبرن جي ترديد ڪئي وئي آهي.
