موبائل فون ۽ ڪارن تي ريگوليٽري ڊيوٽي پاڻمرادو ختم ٿي وئي.
ايف بي آر جي چيئرمين عاصم احمد چيو آھي ته موبائل فون ۽ ڪارن تي ريگوليٽري ڊيوٽي 31 مارچ تائين لاڳو ھئي جيڪا ھاڻي پاڻمرادو ختم ٿي وئي آھي.
اھڙن خيالن جو اظھار ايف بي آر جي چيئرمين ڊائريڪٽ جنرل ڪمسٽز انٽيليجنس اينڊ انويسٽيگيشن اسلام آباد جي دوري جي موقعي تي ڳالھائيندي ڪيو.
دوري جي موقعي تي ھن اعليٰ سطحي اجلاس جي صدارت ۽ ڊي جي ڪسٽمز انٽيليجنس اينڊ انويسٽيگيشن ۽ ٻين لاڳاپيل آفيسرن تفصيلي بريفنگ ڏني.
ايف بي آر چيئرمين عاصم احمد ڳالھائيندي چيو تھ موبائل فون ۽ ڪارن تي ريگوليٽري ڊيوٽي 31 مارچ تائين لاڳو ھئي جيڪا ھاڻي پاڻمرادو ختم ٿي وئي، ايف بي آر طرفان ڪنھن بھ وقت موبائل فون ۽ ڪارن تي ريگوليٽري ڊيوٽي لاڳو ڪئي ويندي.
ايف بي آر چيئرمين چيو تھ فوري طور ريگوليٽري ڊيوٽي لڳائڻ جو نوٽيفڪيشن ڪرڻ جي ضرورت نھ آھي، موبائل فونز ۽ ڪارن تي ريگوليٽري ڊيوٽي لڳائڻ جو فيصلو واپار واري وزارت ڪندي آھي، جيئن ئي وزارت طرفان حڪم مليو نوٽيفڪيشن جاري ڪيو ويندو.
