پي ڊي ايم سربراهه مولانا فضل الرحمان، پ پ چيئرمين بلاول ڀٽو زرداري کي عمران خان سان ڳالهيون ڪرڻ کان کتو جواب ڏئي ڇڏيو آهي.
پ پ چيئرمين بلاول ڀٽو زرداري جي يو آءِ سربراهه مولانا فضل الرحمان سان ملاقات لاءِ سندس ڊيرا اسماعيل ۾ رهائشگاهه پهتو.
ملاقات دوران بلاول ڀٽو زرداريءَ، آصف علي زرداريءَ جو پيغام پهچايو.
ذريعن موجب پي ڊي ايم سربراهه، پي ٽي آءِ چيئرمين سان ڳالهين کان انڪار ڪندي چيو ته هو ڳالهين ۾ شامل نه ٿيندو، جيڪي پارٽيون عمران خان سان ڳالهيون ڪرڻ چاهن ٿيون، وڃي ڪن، عمران خان اعتبار جوڳو شخص ناهي، سندس پارٽي پي ٽي آءِ سان ڳالهين جو حصو نه بڻجندي.
ان موقعي تي بلاول ڀٽو زرداري چيو ته سياسي پارٽين وچ ۾ ڳالهين جا دروازا بند ٿيڻ سٺو سنوڻ ناهي، پ پ جي ٽي رڪني ڪميٽي سمورين اتحادي پارٽين وٽ موڪلي، سمورين پارٽين ڳالهين کي بحران جو واحد حل قرار ڏنو.
هن چيو ته اتحادي ڳالهين جا حامي آهن، هو چاهن ٿا ته ڳالهين واري معاملي تي سموريون اتحادي پارٽيون هڪ پيج تي آهن.
فضل الرحمان چيو ته سياسي پارٽين ۾ ڳالهيون ٿينديون آهن پر اِهو به ڏسڻ گهرجي جن سان ڳالهيون ڪيون پيون وڃن، اهي ڪيترا سنجيده آهن؟
پي ڊي ايم سربراهه چيو ته ماضي ۾ پي ٽي آءِ سان ڳالهين جو ڪهڙو نتيجو نڪتو، هو ته عمران خان کي پاڪستان جي غير ضروري عنصر سمجهن ٿا، هو نه مفتي محمود آهي نه پر بلاول ذوالفقار علي ڀٽو آهي.
مولانا فضل الرحمان پارٽي سان صلاح مشوري جو به اشارو ڏنو.
