ميرپور خاص جيل ۾ پراسرار نموني فوت ٿيل قيدي چنيسر کوسي واري واقعي جو جيل سپرينٽينڊنٽ ۽ ڪوٽ غلام محمد ٿاڻي جي اڳوڻي ايس ايڇ او سميت 13 ڄڻن خلاف ڪيس داخل ڪيو ويو آهي.
عدالتي حڪم تي فوتي جي ڀاءُ علي محمد کوسي جي فرياد تي سيٽلائيٽ ٿاڻي تي ڪيس داخل ڪيو ويو.
ڪيس ۾ جيل سپرينٽينڊنٽ ارشاد رند، ڪوٽ غلام محمد ٿاڻي جي اڳوڻي ايس ايڇ او حق نواز، اي ايس آءِ غلام قادر گوري ۽ ستن اهلڪارن سميت ٽن اڻڄاتل جوابدارن کي نامزد ڪيو ويو آهي.
سينٽرل جيل ۾ قيدي چنيسر کوسي جي فوت ٿيڻ واري معاملي جي جاچ لاءِ ڊسٽرڪٽ اينڊ سيشن جج ميرپورخاص جي عدالت جي حڪم تي جوڊيشل مئجسٽريٽ اسپتال پهچي قيدي جي جسم جو معائنو قيدي جي زخمي هئڻ جي تصديق ڪئي هئي.
جوڊيشل مئجسٽريٽ پنھنجي رپورٽ ۾ ڄاڻايو آھي تھ فوتي قيدي جي ساڄي ۽ کاٻي ٻانھن توڙي ٻنھي گوڏن تي زخم ھئا جڏھن تھ ھڪ ڪن مان رت به وھي رھيو ھو.
مئجسٽريٽ پنھنجي رپورٽ ۾ ڄاڻايو ته قيدي کي جيڪي زخم رسيل ھئا اھي تازا لڳي رھيا ھئا.
سيشن جج رپورٽ بعد ايس ايس پي ميرپورخاص کي حڪم ڏنو تھ فوتي قيدي جي قانوني وارثن جا بيان رڪارڊ ڪيا وڃن.
واضح رھي تھ قيدي جي شروعاتي پوسٽ مارٽم رپورٽ ۾ پڻ تشدد جي تصديق ڪئي وئي ھئي.
