ميرپورخاص سينٽرل جيل ۾ قيدي پراسرار نموني فوت ٿي ويو، وارثن پوليس تي تشدد جو الزام هڻندي احتجاج ڪيو ۽ ٿاڻي اندر ڀڃ ڊاهه ڪئي.
ڪوٽ غلام محمد مان منشيات ڪيس ۾ گرفتار قيدي چنيسر عرف ڏاڏو فوت ٿي ويو آهي، جنهن جو لاش پوسٽ مارٽم لاءِ اسپتال منتقل ڪيو ويو.
فوتي قيدي جي وارثن پوليس تي تشدد ڪري مارڻ جو الزام هڻندي احتجاج ڪيو.
ڪوٽ غلام محمد ۾ وارثن عورتن ۽ مردن احتجاجي مظاھرو ڪري ٽائرن کي باھيون ڏنيون، مڇريل ماڻهن ٿاڻي پهچي ڀڃ ڊاهه ڪئي، جڏهن ته پوليس عملو ٿاڻي ڇڏي هليو ويو.
احتجاج ڪندڙن جو چوڻ هو ته چينسر عرف ڏاڏو کوسي کي پوليس تشدد ڪري قتل ڪيو آهي.
هنن مطالبو ڪيو ته ملوث پوليس اهلڪارن خلاف ڪيس داخل ڪري کين گرفتار ڪيو وڃي.
هوڏانهن جيل انتظاميا جو چوڻ آهي يته قيدي نشي جو عادي هو، طبعيت خراب ٿي جنهن کان پوءِ کيس اسپتال آندو ويو جتي هو فوت ٿي ويو، مٿس تشدد ناهي ٿيو.
