ميرپور ٻرڙي ۾ مغوي پيرسن جي بازيابيءَ لاءِ وارثن پاران احتجاجي مظاهرو ڪري ڌرڻو هنيو ويو.
ڳوٺ چوڏهيو ٻرڙو مان اغوا ٿيل غلام علي ٻرڙو جي وارثن پاران احتجاجي مظاهرو ڪري ٺل، جيڪب آباد روڊ تي ٽائر ساڙي ڌرڻو هڻي نعريبازي ڪئي وئي.
احتجاج ڪندڙن ميڊيا سان ڳالهائيندي چيو ته هڪ مهينو اڳ ڳوٺ چوڏهيو ۾ ٽيوب ويل تي ستل غلام علي ٻرڙو کي اغوا ڪيو ويو هو.
هنن الزام لڳائيندي چيو ته هڪ مهينو گذرڻ باوجود پوليس مغوي غلام علي ٻرڙي جي بازيابي لاءِ ڪي به قدم نه کنيا آهن.
احتجاج ڪندڙن اعليٰ اختيارين کان مطالبو ڪيو ته مغوي پيرسن کي بازياب ڪرائي بيچيني ختم ڪئي وڃي ٻي صورت ۾ احتجاج جو سلسلو جاري رهندو.
