نوان جتوئي ويجهو جوابدار پنهنجي ننڊ ۾ ستل ڀاءُ کي ڪوڏر هڻي قتل ڪري فرار ٿي ويو، پوليس مقتول جو لاش اسپتال منتقل ڪري ڇڏيو.
نوان جتوئي ويجهو ڳوٺ راضي خان کوسو ۾ جوابدار عبدالرشيد کوسو، پنهنجي ڀاءُ محمد عيسيٰ کي ڪوڏر هڻي قتل ڪري ڇڏيو.
اطلاع تي پوليس واقعي واري هنڌ پهچي مقتول جو لاش کڻائي مقامي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
مقتول جي پٽ جو چوڻ آهي ته سندس چاچي جو ذهني توازن درست ناهي، جيڪو رات جو منهنجي والد کي قتل ڪرڻ بعد فرار ٿي ويو آهي.
هن چيو ته پوليس جوابدار کي جلد کان جلد گرفتار ڪري ته جيئن هو ڪنهن ٻئي کي نه نقصان پهچائي.
