مڪي شريف ۾ پهريون ڀيرو ٻارڙن مصروف رکڻ لاءِ هڪ پلي ايريا قائم ڪيو ويو آهي، جتي ٻارڙن جي سمهڻ جو انتظام به آهي ۽ اهڙي نموني والدين بنا ڪنهن رنڊڪ عبادت ڪري سگهندا ۽ تربيت يافتا عملي جي نگراني ۾ رهندا.
سعودي ميڊيا موجب مسجد الحرام جي ٽئين توسيع ۾ ڇهن ورهين جي گهٽ عمر جي ٻارڙن لاءِ هڪ پلي ايريا قائم ڪئي وئي آهي، جتي 80 ٻارڙن جي سار سنڀال جو انتظام آهي.
پلي ايريا ۾ ٻارڙن جي پينگهن ۽ رانديڪن کانسواءِ سمهڻ جي به جاءِ آهي.
اها پلي ايريا باقاعده هڪ ڊپارٽمينٽ جي ماتحت ڪم ڪندي اهو مرڪز 24 ڪلاڪ کليل رهندو ۽ جتي راندين ۽ تفريح کانسواءِ ٻارڙن جي سار سنڀال لاءِ تربيت ورتل عملو هر وقت موجود رهندو.
شروعاتي ٽن ڪلاڪن لاءِ اها سهولت بلڪل مفت آهي پر ان کانپوءِ ڪلاڪن جي حساب سان والدين کي في ادا ڪرڻي پوندي.
