ناڻي واري وفاقي وزير اسحاق ڊار چيو ته آهي ته پاڪستان آءِ ايم ايف ۽ عالمي بئنڪ جو ڪارڪن آهي ڪو پينو فقير ناهي، چيو پيو وڃي ته آءِ ايم ايف کيس جواب ڏئي ڇڏي آهي، ان ڪري آمريڪا جو دورو ملتوي ڪيو ويو.
اسلام آباد ۾ پريس ڪانفرنس ڪندي ناڻي واري وزير اسحاق ڊار چيو ته ناڻي واري وزارت جي اهم ذميواري پيسن لاءِ آهي، سپريم ڪورٽ وفاقي حڪومت کي اليڪشن ڪميشن کي 21 ارب رپيا ڏيڻ جو چيو آهي، جنهن لاءِ 10 اپريل جي مهلت ڏني وئي آهي.
هن چيو ته عدالت اليڪشن ڪميشن کي اها هدايت ڏني آهي ته 11 اپريل تائين اڳڀرائي کان آگاهه ڪيو وڃي، اڄ آمريڪا پهچڻو هو، ٻن ڏينهن کان عالمي بئنڪ جي اسپرنگ ميٽنگ ۾ گڏجاڻي ڪرڻي هئي، پر آءِ ايم ايف اجلاس بابت ميڊيا تي ڳالهيون ٿي رهيون آهن.
اسحاق ڊار چيو ته پاڪستان ۾ آئيني بحران جي ڪيفيت آهي، قوم جي حيثيت ۾ هڪ ڪـُـنَ ۾ ڦاٿل آهن، وزيراعظم جي چوڻ تي هن آمريڪا جو دورو ملتوي ڪري ڇڏيو آهي، ملڪي حالتن سبب گڏجاڻين ۾ هو ورچوئل شرڪت ڪندو.
ناڻي واري وزير چيو ته اهم قومي معاملن ۾ لوز ٽاڪ ۽ لوز تجزيو مناسب ناهي، ڪو چئي رهيو آهي ته کيس جواب ڏئي ڇڏيو آهي، کيس آءِ ايم ايف منع نه ٿي ڪري سگهي، پاڪستان ڪو پينو فقير نه پر آءِ ايم ايف جو ميمبر آهي.
اسحاق ڊار چيو ته ڏکين معاشي حالتن باوجود پرڏيهي ادائگين ۾ هڪ منٽ ۾ دير ناهي ڪئي، آءِ ايم ايف سان اسٽاف سطح تي معاهدو ٿيڻ وارو آهي.
هن چيو ته هڪ دوست ملڪ آءِ ايم ايف 2 ارب ڊالر جي ادائيگي جي تصديق ڪري چڪو آهي، هڪ دوست ملڪ طرفان هڪ ارب ڊالر جي تصديق جو انتظار آهي.
