عوامي مسلم ليگ جي سربراهه شيخ رشيد احمد چيو آهي ته نظريه ضرورت ۽ آئين ۾ مقابلو شروع ٿي ويو آهي، آئين جي فتح ٿيندي ۽ نظريه ضرورت کي ناڪامي نصيب ٿيندي.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ اڄ ٻيهر سپريم ڪورٽ جي بينچ ويهندي ۽ آئين موجب فيصلو ڪندي جنهن قسم کنيو آهي.
سندس چوڻ هو ته جيڪو ڪجهه سپريم ڪورٽ ۾ ٿي رهيو آهي، قوم ائين نه سوچيو هو، پوري قوم چيف جسٽس جي موقف سان گڏ بيٺي آهي.
عوامي مسلم ليگ جي سربراهه شيخ رشيد چيو ته حڪومت 35 اسيمبلي ميمبرن جو پيٽرياٽ گروپ ٺاهڻ وڃي رهي آهي، هي سياسي آپگهات کانپوءِ هاڻي قومي اجتماعي آپگهات ڏانهن وڌي رهيا آهن، اها سياست نه رياست قربان ڪرڻ لڳا آهن.
هن چيو ته حڪومت 8 آڪٽوبر تي به چونڊون نه ڪرائيندي، ملڪ ڊيفالٽ ٿيڻ وڃي رهيو آهي، حڪومت اليڪشن کان ڀڄي رهي آهي ۽ ملڪ هلائڻ جي صلاحيت کان به محروم آهي.
سندس چوڻ هو ته هي 1997ع ناهي، ايمرجنسي نٿي لڳي ۽ چونڊون به ڪرائڻيون پونديون.
عوامي مسلم ليگ جي سربراهه شيخ رشيد احمد چيو ته جسٽس منير نه پر جسٽس ڪارنليس جي ياد تازي ٿيندي، هاڻي اسحاق ڊار اعتراف ڪيو آهي ته آءِ ايم ايف ۽ سڪوڪ بانڊز به روڪيا ويا آهن، رات جو 12 وڳي قاسم سوري جو پاڻمرادو نوٽيس ٿيڻ تي واهه واهه ۽ 90 ڏينهن ۾ اليڪشن جي پاڻمرادو نوٽيس تي دانهون ڪن ٿا.
