نيوزيلينڊ جي بيٽر مارڪ چيپمن ٽي ٽوئنٽي انٽرنيشنلز جو عالمي رڪارڊ قائم ڪري ورتو.
پنجن ٽي ٽوئنٽي ميچن جي سيريز جي آخري ميچ ۾ نيوزيلينڊ پاڪستان کي 6وڪيٽن تان شڪست ڏئي سيريز 2-2 تان برابر ڪري ڇڏي، هڪ ميچ برسات سبب متاثر ٿي وئي هئي.
آخري ٽي ٽوئنٽي ۾ نيوزيلينڊ مارڪ چيپمين جي شاندار سينچري جي مدد سان پاڪستان طرفان مليل 194 رنسن جو حدف آساني سان پورو ڪري ورتو.
نيوزيلينڊ طرفان مارڪ چيپمين 104 ۽ جمي نيشم 45 رنسن جي اننگز کيڏي ٽيم کي ڪاميابي ڏيارڻ ۾ اهم ڪردار ادا ڪيو.
آخري ٽي ٽوئنٽي ۾ شاندار اننگز کيڏڻ بعد نيوزيلينڊ جي مارڪ چيپمين عالمي رڪارڊ قائم ڪري ورتو، هو 5 يا انهن کان گهٽ ميچن جي سيريز ۾ سڀ کان وڌيڪ رنسون ٺاهندڙ بيٽر بڻجي ويو، ڪيوي ڪرڪيٽر پاڪستان خلاف پنجن ميچز ۾ 290 رنسون ٺاهيون.
ان کان اڳ سربيان جي ليزلي ڊنبر بلغاريا خلاف 4 ميچن ۾ 284 رنسون ٺاهيون هيون.
