پنجن ٽي ٽوئنٽي ميچن تي ٻڌل سيريز جي آخري ميچ ۾ نيوزيلينڊ پاڪستان کي 6 وڪيٽن تان شڪست ڏئي سيريز 2-2 تان برابر ڪري ڇڏي.
راولپنڊي ڪرڪيٽ اسٽيڊيم ۾ کيڏيل پنجين ۽ آخري ميچ ۾ نيوزيلينڊ ٽاس کٽي فيلڊنگ جو فيصلو ڪيو، پاڪستان مقرر 20 اوورن ۾ 5 وڪيٽن جي نقصان تي 193 رنسون ٺاهيون، نيوزيلينڊ پاڪستان طرفان ڏنل هدف آخري اوور ۾ حاصل ڪري ورتو.
مارڪ چيپمين ٽي 20 انٽرنيشنل ڪيريئر جي پهرين سينچري اسڪور ڪندي 102 رنسن جي اننگز کيڏي، چاڊ بوز 19، ڊيرل مچل 15 ۽ ول ينگ 4 رنسون ٺاهيون
پاڪستان طرفان شاهين آفريدي ۽ عماد وسيم 2-2 وڪيٽون ورتيون.
ان کان اڳ پاڪستاني ٽيم پهريان بيٽنگ ڪندي نيوزيلينڊ کي 194 رنسن جو ٽارگيٽ ڏنو.
بابر اعظم 19، افتخار احمد 36، عماد وسيم 14 بالن تي 31 رنسن جي اننگز کيڏي، جڏهن ته محمد رضوان 98 رنسون ٺاهي ناٽ آئوٽ رهيو.
واضح رهي ته ٻنهي ٽيمن وچ ۾ هڪ ميچ برسات سبب ملتوي ڪئي وئي هئي.
