نيو سعيد آباد ڀرسان ڳوٺ بکر جمالي واسي ٽڪ ٽاڪر نوجوان روڊ حادثي ۾ فوت ٿي ويو

نيو سعيد آباد ڀرسان ڳوٺ بکر جمالي واسي ٽڪ ٽاڪر نوجوان روڊ حادثي ۾ فوت ٿي ويو.

ڳوٺ بکر جمالي جو رهواسي ۽ ٽڪ ٽاڪ اسٽار غلام مصطفيٰ جمالي ڪرڪيٽ راند ڏسي واپس ڳوٺ وڃي رهيو هو ته مارک واهه اسٽاپ وٽ ٽرڪ کيس زوردار ٽڪر هنيو، جنهن جي نتيجي ۾ نوجوان موقعي تي فوت ٿي ويو.

حادثي بعد ڊرائيور ٽرڪ ڪاهي فرار ٿي ويو، اطلاع ملڻ تي پوليس فوتي جي لاش کي کڻائي تعلقي اسپتال منتقل ڪيو جتان ضروري ڪارروائي بعد مڙهه وارثن حوالي ڪيو ويو.

فوتي نوجوان غلام مصطفيٰ جمالي جو لاش گهر پهچائڻ تي ڪهرام مچي ويو.