نگران وفاقي سرڪار گيس جي قيمتن ۾ اضافي جي منظوري ڏئي ڇڏي جنهن بعد پيٽروليم ڊويزن قيمتن ۾ واڌ جي حوالي سان پڌرائي جاري ڪري ڇڏي آهي.
پيٽروليم ڊويزن جي پڌرائي موجب گيس جون نيون قيمتون پهرين نومبر کان لاڳو هونديون.
پيٽروليم ڊويزن جي پڌرائي موجب پروٽيڪٽڊ واهپيدار لاءِ فڪسڊ چارجز 10 رپين مان وڌائي 4 سئو رپيا مقرر ڪئي وئي ۽ نان پروٽيڪيڊ گهريلو واهپيدارن لاءِ گيس جي قيمت ۾ 172 سيڪڙو اضافو ڪيو ويو.
توانائي واري وزارت جو چوڻ آهي ته پروٽيڪٽڊ صارفين جي لاءِ ماهوار بل 900 روپين کان وڌيڪ نه هوندو، تندور جي لاءِ به گيس جي قيمتن ۾ اضافو نه ڪيو ويو.
توانائي واري وزارت وڌيڪ چيو ته ملڪ ۾ گيس جا ذخيرا ساليانو 5 کان 10 سيڪڙو گهٽجي رهيا آهن، نگران سرڪار لاءِ گيس جي قيمتن ۾ اضافي جو فيصلو ڏکيو هو.
جاري ڪيل پڌرائي موجب آءِ ايم ايف پروگرام ۾ شامل ٿيڻ سبب سموري سبسڊي واپس ورتي وئي آهي، مهانگي گيس سستي قيمت تي ڏيڻ سان هر سال 400 ارب جا گردشي قرض وڌي رهيا آهن.
پيٽروليم ڊويزن جو چوڻ آهي ته اتر ۽ ڏکڻ جي انڊسٽري جي لاءِ ه فرق گهٽ ڪيو ويو آهي.
