وارهه ۾ واپاري کان اڍائي لک رپيا ڦر واقعي خلاف واپارين ۽ شهرين پاران احتجاجي مظاهرو ڪيو ويو.
واپارين ۽ شهرين رمضان ڦلپوٽو، نياز حيدري، رجب مڱڻيجو ۽ ٻين جي اڳواڻي ۾ شهيد فاضل راهو چوڪ تي ڌرڻو هڻي پوليس خلاف نعريبازي ڪئي وئي.
احتجاج ڪندڙن چيو ته شهر ۾ چوريون ، ڦرون ۽ ڌاڙا روز جو معمول بڻيل آهن، گذريل ڏينهن هٿياربند واپاري رمضان ڦلپوٽو کان اڍائي لک رپيا ڦر ڪري ويا هئا، جڏهن ته پوليس اگهور ننڊ ستل آهي.
مظاهرين چيو ته 24 ڪلاڪ گذرڻ باوجود پوليس جوابدارن کي گرفتار نه ڪري سگهي آهي.
هنن اعليٰ اختيارين کان مطالبو ڪيو ته شهر ۾ ايماندار پوليس آفيسر مقرر ڪري بدامني تي ضابطو آندو وڃي.
