والاريل ڪشمير ۾ قابض ڀارتي فوج جي آپريشن دوران ڌماڪي ۾ 5ڀارتي فوجي مارجي ويا.
ڀارتي ميڊيا جي موجب، ڀارتي فوج والاريل ڪشمير جي ضلعي راجوري جي ھڪ غار ۾ ڀارتي فوجين کي نشانو بڻائيندڙن جي پناھھ وٺڻ جي اطلاع تي ڇاپو ھنيو.
علحيدگي پسندن ڀارتي فوجين کي ڏسندي ئي اھلڪارن مٿان بارودي مواد اڇلايو، 2اھلڪار ٿڏي تي ئي مارجي ويا ۽ 4زخمي ٿي پيا، زخمين کي اسپتال منتقل ڪيو ويو جتي وڌيڪ ٽن ڄڻن دم ڏئي ڇڏيو ۽ ھڪ ڄڻي جو علاج ھلندڙ آھي.
ڀارتي فوج جي ترجمان ٻڌايو تھ غار ۾ انھن دھشتگردن پناھھ وٺي رکي ھئي جن 20اپريل تي پونڇ ضلعي ۾ فوج جي ھڪ ٽرڪ تي حملو ڪري 5اھلڪارن کي قتل ڪرڻ بعد فوجي ھٿيار کڻي فرار ٿي ويا ھئا.
