ڀارتي ڪرڪيٽ بورڊ کي ھن ڀيري بھ ورلڊ ڪپ لاءِ حڪومت کان ڪنھن قسم جي رعايت نھ ملي رھي آھي، جڏھن تھ آءِ سي سي کي 955 ڪروڙ رپيا پنھنجي کيسي مان ڏيڻا پوندا.
انٽرنيشنل ڪرڪيٽ ڪونسل جي طرفان پنھنجي شوپيس ايونٽس جي ميزباني ڏيڻ جي پھرين شرط ئي ميزبان بورڊ لاءِ پنھنجي حڪومت کان ٽيسٽ ڇوٽ حاصل ڪرڻي ھوندي آھي، بي سي سي آءِ جڏھن 2016ع ۾ ٽي ٽوئنٽي ورلڊڪپ جي ميزباني جو اعزاز ماڻيو تھ ان مان حاصل ٿيندڙ آءِ سي سي جي ڪمائي تي ڀارتي حڪومت 193 ڪروڙ رپيا ٽيڪس لاڳو ڪيو، اھا رقم بعد ۾ آءِ سي سي بي سي سي آءِ جي روينيو حصي ۾ ڏني، ان تي ڀارتي بورڊ جي طرفان آءِ سي سي ٽريبونل ۾ ڪيس بھ ڪيو ويو.
ھڪ ڀيرو ٻيھر آڪٽوبر ۾ ڀارت ون ڊي ورلڊ ڪپ جي ميزباني ڪرڻ وارو آھي، اڃا تائين ان حڪومت جي طرفان ٽيڪس ۾ ڇوٽ ملڻ جو ڪو اشارو نھ مليو آھي.
ڀارتي ڪرڪيٽ بورڊ جي ذريعن جو چوڻ آھي تھ حڪومت کان ڪيئن پنھنجا قانون تبديل ڪرڻ جو چئي سگھجي ٿو، 2016 ۾ ٽي ٽوئنٽي ورلڊ ڪپ جي دوران اھڙي ھڪ درخواست رد ڪئي وئي ھئي، جلد ئي بورڊ جي طرفان آءِ سي سي کي ٽيڪس ڇوٽ بابت پنھنجي پوزيشن کان آگاھھ ڪيو ويندو.
