وزيراعظم شهبازشريف، سپريم ڪورٽ کان چونڊن بابت فيصلي تي نظرثاني جو مطالبو ڪيو آهي، سپريم ڪورٽ ۽ ججن جو احترام ڪرڻ چاهن ٿا پر اهي قانون پاڻ تي به لاڳو ڪن، 9 رڪني بئنچ آخر ۾ ٽي رڪني رهجي وئي، فل ڪورٽ جو مطالبو تسليم ڪيو وڃي ها ته پاڪستان ڪو به فيصلي جي مخالفت نه ڪري ها، سياسي پارٽين اليڪشن کان ڀڄي نه ٿي سگهي، ائين ڪرڻ سان ان جي سياست دفن ٿي ويندي.
اسلام آباد ۾ وڪيل ڪمپليڪس لاءِ هڪ ارب 80 ڪروڙ رپين واري منصوبي جي پيڙهه جو پٿر رکڻ واري تقريب کي خطاب ڪندي شهبازشريف چيو ته چونڊن واري معاملي تي فل ڪورٽ جوڙي وڃي، هو فل ڪورٽ جو هر فيصلو تسليم ڪندا.
هن چيو ته هو سمجهي ٿو ته وڏو ماڻهو اهو آهي، جيڪو پنهنجي غلطي تسليم ڪندي، کين پاڪستان جو مستقبل بچائڻو آهي.
وزيراعظم چيو ته ملڪ کي وڏا چئلينج آهن، هو يا سندس حڪومت اڪيلي سر ان کي منهن نه ٿي ڏئي سگهي، سمورن اسٽيڪ هولڊرن کي پنهنجو ڪردار ادا ڪرڻو پوندو.
شهبازشريف چيو ته سپريم ڪورٽ ۽ ججن جو احترام ڪرڻ چاهن ٿا پر اهي قانون پاڻ تي به لاڳو ڪن، 9 رڪني بئنچ آخر ۾ ٽي رڪني رهجي وئي، فل ڪورٽ جو مطالبو تسليم ڪيو وڃي ها ته پاڪستان ڪو به فيصلي جي مخالفت نه ڪري ها.
وزيراعظم چيو ته سياسي پارٽين اليڪشن کان ڀڄي نه ٿي سگهي، ائين ڪرڻ سان ان جي سياست دفن ٿي ويندي، آرٽيڪل 63 اي جي قانون کي ري رائٽ ڪيو ويو.
شهبازشريف چيو ته جسٽس منير نظريا ضرورت جو باني آهي، ان نظريا ضرورت کي پاڪستان کي ڪٿي پهچايو آهي، کين حڪم ڏنو وڃي ٿو ته وزيراعظم اڪيلي سر ڪجهه به نٿو ڪري سگهي، ڪابينا جو فيصلو هوندو، جن اهو حڪم ڏنو اهي فيصلو پاڻ تي لاڳو نه ٿا ڪن.
