وزيراعظم شهباز شريف طرفان عمران نيازي حڪومت خلاف بي اعتمادي رٿ جي ڪاميابي غير معمولي واقعو قرار ڏنو آهي، سندس چوڻ آهي ته اقتدار سنڀالڻ کانپوءِ اتحادي حڪومت ڏکين حالتن ۽ ڪيترن ئي چئلينجن کي منهن ڏنو، عمران نيازي خلاف بي اعتمادي رٿ جي ڪاميابي غير معمولي واقعو آهي، سمورين سياسي طاقتن غير مقبول حڪومت آئيني طريقي سان هٽائڻ لاءِ پارليامينٽ جو فورم استعمال ڪيو.
The passage of No-Confidence Vote against Imran Niazi's government was unprecedented not because PDM came into power but because almost all of Pakistan's political forces came together to use the forum of Parliament to vote out an unpopular govt through constitutional means. 2/n
— Shehbaz Sharif (@CMShehbaz) April 11, 2023
وزارت عظميءَ جو منصب سنڀالڻ کي هڪ سال مڪمل ٿيڻ تي جاري ڪيل ٽوئٽ ۾ شهبازشريف چيو ته اقتدار سنڀاليو ته حالتون تمام ڏکيون هيون ۽ مختلف چئلينج آڏو هئا.
هن چيو ته عمران نيازي حڪومت خلاف بي اعتمادي رٿ ڪامياب ٿيڻ غير معمولي واقعو هو، ان سبب نه رڳو پي ڊي ايم حڪومت ۾ آئي پر هي اهو موقعو هو جڏهن ته ملڪ جي تقريبن سمورين سياسي قوتن گڏجي غير مقبول حڪومت کي آئين طريقي سان هٽائڻ لاءِ پارليامينٽ جو فورم استعمال ڪيو.
وزيراعظم چيو ته مختلف منشور رکندڙ پارٽين قومي مفاد تي ٻڌڻيءَ جو مظاهرو ڪيو، اها ملڪ ۾ سياسي انقلاب طرف اهم اڳڀرائي هئي.
شهبازشريف چيو ته عمران خان طرفان وڇايل معاشي بارودي سرنگهون ۽ عالمي تيل توڙي غذائي جنسن جي سپلاءِ لائن رنڊڪن باوجود ملڪي معيشت بهتري طرف وڌي رهي آهي، ڏيوالو نڪرڻ واريون سموريون اڳڪٿيون غلط ثابت ٿيون.
وزيراعظم چيو ته ملڪي معيشت کي بحال ڪرڻ لاءِ حڪومت نيڪ نيتي سان ڪوششون ڪري رهي آهي.
