لاهور جي احتساب عدالت ڪرپشن ريفرنس ۾ وزيراعظم شهباز شريف ۽ پنجاب جي اڳوڻي وڏي وزير حمزا شهباز کي بيڏوهي قرار ڏئي ڇڏيو.
لاهور جي احتساب عدالت ۾ وزير اعظم شهباز شريف ۽ سندس پٽ شهباز شريف خلاف ڪرپشن ريفرنس جي ٻڌڻي ٿي.
نيب عملدارن پاران سپليمينٽري ريفرنس عدالت ۾ جمع ڪرايو ويو.
سپليمنٽري ريفرنس ۾ چيو ويو آهي ته نيب کي شهباز شريف ۽ حمزه شهباز خلاف اثاثن جي جاچ دوران ڪرپشن جا ڪي به ثبوت ناهن مليا.
عدالت نيب ريفرنس کي بند ڪرڻ ۽ ترميمي آرڊيننس بابت دليل طلب ڪندي ٻڌڻي 24 مئي تائين ملتوي ڪري ڇڏي.
واضح رهي ته گذريل هفتي لاهور جي احتساب عدالت ۾ وزيراعظم شهباز شريف ۽ ٻين خلاف مني لانڊرنگ ريفرنس جي ٻڌڻي ٿي جنهن ۾ عدالت نيب جي جاچ آفيسر کان سپليمينٽري رپورٽ طلب ڪئي هئي.
