وزيراعظم شهباز شريف پاران ڪڻڪ جي 2ڪروڙ 75 لک ميٽرڪ ٽن رڪارڊ پيداوار تي شڪر جو اظهار ڪيو ويو آهي.
وزيراعظم شهبازشريف جي صدارت هيٺ سرڪاري سطح تي ڪڻڪ جي خريداري بابت جائزو وٺڻ لاءِ اجلاس ٿيو.
اجلاس ۾ وزيراعظم شهباز شريف چيو ته هلندڙ سال ڪڻڪ جي پيداوار گذريل 10 سالن جي ڀيٽ ۾ وڌي ٿي آهي، آبادگارن کي معياري ٻج ۽ ڀاڻ جي فراهمي سبب ڪڻڪ جي شاندار پيداوار ممڪن ٿي سگهي.
وزيراعظم شهبازشريف چيو ته مشڪلاتن باوجود ڪڻڪ جي بمپر پيداوار تي آبادگار ۽ قوم مبارڪ جي لائق آهي، صوبائي ۽ وفاقي ادارا ڪڻڪ خريداري جو حدف پورو ڪن ته جيئن سمورو سال ڪڻڪ جي فراهمي ممڪن ٿي سگهي.
