وفاقي حڪومت طرفان ٽي ارب ڊالر جي وڌيڪ فنانسنگ جو پلان عالمي مالياتي فنڊ (آءِ ايم ايف) کي ڏئي ڇڏيو.
ناڻي واري وزارت جي ذريعن موجب رائز ٽو پروگرام کان 45 ڪروڙ، اي آءِ آءِ بي ۽ ڪمرشل بئنڪن کان ھڪ ارب ڊالر قرض ملندو.
ذريعن جو چوڻ آھي تھ ناڻي واري وزارت ۽ آءِ ايم ايف جي وچ ۾ فنانسنگ تي ڳالھھ ٻولھھ جاري آھي، آءِ ايم ايف کي درخواست ڪئي وئي آھي تھ معاھدو ٿي وڃي تھ فنانسنگ جو انتظام آسان ٿي ويندو.
ناڻي واري وزارت جي ذريعن موجب قرض پلان تي آءِ ايم ايف جي طرفان ريسپانس ملڻ جو انتظار آھي، جنيوا ۾ ڊونرز ڪانفرنس مان رقم حاصل ڪرڻ جو پلان بھ آءِ ايم ايف کي ڏنو ويو آھي.
واضح رھي تھ يو اي اي آءِ ايم ايف کي پاڪستان لاءِ ھڪ ارب ڊالر فنانسنگ جي تصديق ڪري ڇڏي آھي، ناڻي واري وزارت جو چوڻ آھي تھ ھاڻي آءِ ايم ايف کان اسٽاف ليول معاھدو ٿيڻ ۾ رڳو سعودي عرب جي تصديق رھيل آھي.
