وفاقي ڪابينا جو اڄ سڏايل اجلاس ملتوي ڪيو ويو.
ذريعن جو چوڻ آهي ته وزيراعظم شهباز شريف منجهند ساڍي ٻارهين وڳي سياسي صورتحال تي صلاح مشوري لاءِ اتحادي جماعتن جو اجلاس طلب ڪيو آهي.
ذريعن موجب، اجلاس ۾ اتحادي جماعتن جا اڳواڻ ۽ وزير شريڪ ٿيندا جنهن ۾ سياسي، آئيني ۽ قانوني معاملن تي مشاورت ڪئي ويندي.
واضع رهي ته گذريل ڏينهن وزيراعظم شهباز شريف کي قانوني ٽيم سپريم ڪورٽ ۾ ڪيسن ۽ سپريم ڪورٽ بينچ جوڙڻ بابت بريفنگ ڏني هئي.
اجلاس ۾ حڪومتي ٽيم سپريم ڪورٽ جي نوٽيسز تي حڪمت عملي جوڙي ۽ پنجاب اليڪشن فنڊز ۽ عدالتي سڌارا بل ٻڌڻي تي به غور ڪيو ويو.
