عالمي بئنڪ، وڌندڙ مالي خساري سبب پاڪستان جي معيشت کي خطرناڪ قرار ڏيندي سبسڊيز ختم ڪرڻ جون تجويزون ڏنيون آهن.
عالمي بئنڪ وفاقي خرچن جي جائزا رپورٽ جاري ڪري ڇڏي آهي، جنهن ۾ بي آءِ ايس پي جي 90 سيڪڙو خرچ سميت ڪيترائي معاملا صوبن حوال ڪرڻ جو مشورو ڏنو ويو.
پاڪستان معيشت جي بهتري لاءِ عالمي بئنڪ قرضن جي مينيجمينٽ ۽ سنگل ٽريزري اڪائونٽ قائم ڪرڻ جي سفارش ڪندي چيو آهي ته پاڪستان غير ضروري خرچ ۽ سبسڊيون ختم ڪري ساليانو 2 هزار 723 ارب رپيا بچائي سگهي ٿو.
رپورٽ ۾ چيو ويو ته روينيو ۾ اضافي ۽ انتظاميا قدمن سبب جي ڊي پي 4 سيڪڙو بجت به ممڪن آهي،ترقياتي بجيٽ محدود ڪرڻ سان 315 ارب رپيا بچائي سگهجن ٿا.
عالمي بئنڪ جي رپورٽ موجب وفاقي حڪومت جو ٽيڪس آمدني حصو رڳو 46 سيڪڙو ۽ خرچ سيڪڙو آهن، وياج، سبسڊيون ۽ پگهارن جا خرچ وفاقي سرڪار تي وڏو بار آهن، خرچن ۽ خساري ۾ اضافو ارڙهين ترميم کانپوءِ ٿيو.
رپورٽ ۾ چيو ويو ته غير ضروري خرچ ۽ سبسڊي ختم ڪري ساليانو 2 هزار 723 ارب رپيا بچن ممڪن آهي، بجيٽ جو 70 سيڪڙو ته انهن تي ئي خرچ ٿئي ٿو.
رپورٽ ۾ چيو ويو ته گذريل سال 7 ڏهائي 9 سيڪڙو مالي خسارو 22 سال جي بلند ترين سطح تي اچي ويو آهي، جنهن سان قرضن جي شرح به 78 سيڪڙو بلند سطح تائين رڪارڊ ڪئي وئي، پاڪستان ۾ مجموعي اوڳاڙيون جي ڊي پي جو 12 ڏهائي 8 سيڪڙو آهن.
رپورٽ موجب ترقياتي بجيٽ محدود ڪري 315 ارب رپيا بچائي سگهجن ٿا، صحت ۽ تعليم صوبائي معاملا آهن، انهن ۾ 328 ارب رپين جي بچت ممڪن آهي، بي آءِ ايس جو 90 سيڪڙو خرچ صوبا کڻندا ته 217 ارب رپيا بچت ٿيندي.
