يمن ۾ جنگ بندي ۽ امن لاءِ عمان جي ٽياڪڙي ۾ ڳالهيون ڪامياب ٿي ويون، ڌرين جنگ بندي تي اتفاق ڪري ورتو.
يمن جي سرڪاري ذريعن دعويٰ ڪئي آهي ته سعودي عرب ۽ حوثين وچ ۾ 6 مهينن لاءِ جنگ بندي تي اتفاق ٿي ويو آهي.
عرب ميڊيا موجب، جنگ بندي جو مقصد ٻن سالن جي عبوري سيٽ اپ تي ٽن مهينن جي ڳالهين جو رستو آسان ڪرڻ آهي.
حوثي عهديدار تصديق ڪئي آهي ته سعودي عرب جي طرفان آزاد ڪيل 13 حوثي قيدي صعنا پهچي ويا آهن، ان کان اڳ حوثين هڪ سعودي قيدي کي آزاد ڪيو هو.
ڳالهين دوران يمن جي بندرگاهه ۽ ايئرپورٽ کولڻ، سرڪاري ملازمن جون پگهارون جاري ڪرڻ، ترقياتي منصوبن ۽ سياسي منتقلي جي مسئلن تي ڳالهيون ڪيون ويون.
واضح رهي ته ٻنهي ڌرين وچ ۾ ڳالهين ۾ اڳڀرائي بعد فيبري ۾ عرب اتحاد يمن تي لاڳو پابندي ۾ نرمي ڪري ڇڏي هئي، حوثين جي ڪنٽرول هيٺ ڏکڻ بندرگاهن تي سامان گهرائڻ موڪلڻ وارو عمل شروع ٿي ويو.
يمن جي حڪومت جو چوڻ آهي ته هاڻي سمورا ڪمرشل بحري جهاز سڌي ريت عدن سميت يمن جي ڏکڻ بندرگاهن تي لنگرانداز ٿي سگهندا، ڪيترين ئي شين جي گهرائڻ تي پابندي ختم ڪئي وئي آهي، هاڻي فرٽيلائيزرس ۽ بيٽرين سميت 5سئو قسم جي شين کي يمن جي بندرگاهن تي گهرائي سگهبو.
